أهلا وسهلا بك زائرنا الكريم، اذا كانت هذه زيارتك الأولى للمنتدى، فيرجى التكرم بالاطلاع على القوانين بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة المواضيع التي ترغب.

المحاولة التخريقلابية فى السودان

حفظ البيانات؟
الرئيسية
التسجيل
الدخول
فقدت كلمة المرور
القوانين
البحث فى المنتدى



الرئيسيةالتسجيلدخول

شاطر | .
 

 المحاولة التخريقلابية فى السودان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ali niss

المشرف العام
فريق

المشرف العام  فريق



الـبلد :
المهنة : كاتب
المزاج : عصبى جدا
التسجيل : 30/06/2011
عدد المساهمات : 9143
معدل النشاط : 9960
التقييم : 597
الدبـــابة :
الطـــائرة :
المروحية :




مُساهمةموضوع: المحاولة التخريقلابية فى السودان   الإثنين 10 ديسمبر 2012 - 12:59

جاء في تفاصيل الاعترافات التي أدلى بها المتهمون في المحاولة (التخريقلابية) الأخيرة التي تم نشرها مؤخراً بالصحف مشاركة (فكي) ليقوم بأعمال الدجل والشعوذة، حيث أقرَّ (الفكي) بأن ضابطاً برتبة اللواء لجأ إليه للقيام بعمل يمنع تحركات قيادات متنفذة في الحكومة وجهاز الأمن وذكر (الفكي) في إفاداته أنه طلب من المتهمين إحضار (دجاجة) ، وعندما جاء بها أحدهم في (ضهرية) عربته وجدها (ميتة) …. ترى لماذا ماتت الدجاجة :

• ميكانيكي : شوف يا معلم الجدادة دي ختوها في ضهرية العربية والعربية الظاهر المساعدين الوراء بتاعنها خفاف ومع الحفر والمطبات الجدادة ما إستحملت ولحقت (أمات طه).

• جزار : هو ذاتو ده إنقلاب وللا (دقة ظار) جدادة شنو كانو يكلمونى كنتا جبت ليهم خروف عمبلوك لو ختوهو في الفرن ما يموت مش ضهرية عربية

• معالج بالأعشاب : مفروض كان قبل ما يدخلوها ضهرية العربية يدوها شوية من بذر الكتان ويخلطوا معاها فنجان محريب وشوية حبة سوداء عشان المشروب ده بيعالج السخانة والكتمة بتاعت الضهرية

• حماية المستهلك : نحن دائماً ننبه المواطنين إلى ضرورة التأكد من صلاحية المنتج والحفظ والتخزين السليم له ومن الواضح أن هذه الدجاجة لم تحفظ في درجة حرارة مناسبة مما أدي إلى نفوقها

• طبيب بيطري : القصة ما عاوزة ليها أي نقاش الدجاجة دى ماتت بي أبوفرار (السحائي يعني) .. خاتينها في ضهرية العربية في الشمس الحارة دي ولافين بيها لحدت ما حصل ليها الحصل ليها

• ريئس تحرير : لو ماتت ما تموت الأهم من ده كولو المانشيت : (دجاجة تقرر مصير امة) !

• خضرجي : كان لازم تموت .. الجدادة دي تكون ماتت بالأنيمياء .. الجداد زمان أيام الدنيا بي خيرا كان بيدوهو في البيوت باقي الرجلة وباقي الخدرة هسه البيوت بقت ناشفة وما فيها حاجة يرموها للجداد

• تاجر إسبيرات : شوف يا معلم واضح جداً إنو الجدادة دي ما (أصلية) وتجارية ساكت .. لانو لو أصلية كانت إتحملت السخانة وكده .. السوق كلو بقى مضروب

• عالم نفسي : ليس الأمر هو في موت الدجاجة بل في رد الفعل النفسي والحالة العصبية للشخص الذي قام بفتح الضهرية ووجدها ميتة

• إداري فريق قمة : غايتو أنحنا الفكي لمن يقول لينا جيبو جدادة وللا ديك قاعدين نوديهو ليهو بي (ركشة) عشان جنس الحاجات دي

• سمسار عربات : كان يكلموني والله وعلي بالطلاق بالتلاتة كنتا جبتا ليهم جدادة (كرت) موديل السنة وكمان (فل أوبشن) بدل البتكتلا السخانة دي

• خطيب : لقد قدر الله سبخانه وتعالي أن تموت هذه الدجاجة قبل ذبحها لأنها كانت ستقدم قرباناً للشيطان وفي هذا إثم وشرك عظيم

• عجلاتي : شوف يا اسطي السخانة دي مش تكتل ليها جدادة دي ترخي (الجنزير) وتفتل (الميزان) ذاااتو لو ما نفست اللساتك

• مهندس كمبيوتر : 2 مروحة (بروسيسور) في الضهرية وكانت المشكلة إتحلت والجداده كان وصلت (للفكي)

• شرطي مرور : والله أنا بفتكر القصة كووولها من (كترت الأستوبات) الجدادة دي مما إشتروها من السوق وختوها في الضهرية يكونوا وقفوا بيها في (ستمية إستوب لحدت ما السخانو قرضتا)

• كاتب رياضى : والله نحنا بنعرف (حمام ميت) لكن جداد ميت دي ما أدونا ليها

• سياسي معارض : عرفنا الجماعة ديل ما بيعرفو يختو الرجل المناسب في المكان المناسب كمان (الجداد المناسب ) في المكان المناسب ما بعرفو يختوهو؟

*اعلان على التلفزيون مواطن يشتري من بائع الدجاج (دجاجة) يفتح ضهرية العربة ويضعها ثم يحكم أغلاقها وينطلق .. يصل إلى منزله .. يترجل من العربة ويفتح الضهرية .. يمسك بإحدي يديه بالدجاجة ويرفعها في الهواء وهي تصيح وباليد الأخري مروحة وهو يقول :
- إنها لا زالت حية لأنها كانت تستمتع بهواء مراوح (تي أم تي) .. مراوح (تي أم تي) تقوم بتلبطيف الجو حتى لو كان في سخونة هذه الضهرية !



يتمتع الشعب السودانى بروح طيبة حتى فى احلك الظروف

الترجمة عند الاخ صالح
الرجوع الى أعلى الصفحة اذهب الى الأسفل
salih sam

لـــواء
لـــواء



الـبلد :
المهنة : College student
المزاج : اللهم سلم السودان و اهل السودان
التسجيل : 09/05/2011
عدد المساهمات : 7924
معدل النشاط : 6293
التقييم : 268
الدبـــابة :
الطـــائرة :
المروحية :




مُساهمةموضوع: رد: المحاولة التخريقلابية فى السودان   الإثنين 10 ديسمبر 2012 - 13:29

اقتباس :
• ريئس تحرير : لو ماتت ما تموت الأهم من ده كولو المانشيت : (دجاجة تقرر مصير امة) !

الدجاجه قررت مصير النظام في السودان

النظام سيغير شعاره من شجره الي دجاجه تخليدا لذكري هذه الدجاجه التي انقذت النظام !

ايام الثوره المصري سمعنا ازلام النظام يتهمون الثوار بانهم محبي دجاج كنتاكي .. لكن في السودان المتظاهرون في السودان سيتهمون باتضهاد الدجاج


عن نفسي سامجد الدجاج .. ما ناقص لبش

عااااااشت الدجاجه !!
الرجوع الى أعلى الصفحة اذهب الى الأسفل
 

المحاولة التخريقلابية فى السودان

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الجيش العربي Arab Army Forum :: الأقســـام غير العسكريـــة :: تواصل الأعضاء-
التعليقات المنشورة لا تعبر عن رأي ادارة الموقع ولا نتحمل أي مسؤولية قانونية حيال ذلك ويتحمل كاتبها مسؤولية النشر

Powered by Arab Army. Copyright © 2015

شركاؤنا: روسيا ما وراء العناوين