أهلا وسهلا بك زائرنا الكريم، اذا كانت هذه زيارتك الأولى للمنتدى، فيرجى التكرم بالاطلاع على القوانين بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة المواضيع التي ترغب.

ازاي تقسم بطنك وتحقق حلم ال (six abs)

حفظ البيانات؟
الرئيسية
التسجيل
الدخول
فقدت كلمة المرور
القوانين
البحث فى المنتدى



الرئيسيةالتسجيلدخول

شاطر | .
 

 ازاي تقسم بطنك وتحقق حلم ال (six abs)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: ازاي تقسم بطنك وتحقق حلم ال (six abs)   الأربعاء 18 يوليو 2012 - 21:20

هل جربت تقسم جسمك ؟

"طبعا حاولت ومفيش أى نتيجة !"


يبقى أكيد طريقتك فيها حاجة غلط

مبدئياً فى معادلة لازم نكون متفقين عليها...... عضلات بطن = نسبة دهون منخفضة

العامل المسئول عن بروز العضلة وتقسيمها هو قلة نسبة الدهون فى الجسم.

_____________
"طب ازاى أقلل نسبة الدهون فى جسمى؟"


علشان تقلل نسبة الدهون فى جسمك لازم قبل ما نخش فى تفاصيل اكتر لازم تبقى متأكد إن عندك عزيمة وشايف هدفك قدامك ومتأكد تماماً انك هتوصله يعنى هتوصله, دى أهم خطوة فى الموضوع كله لان بالنسبة لناس ممكن يكون الموضوع أصعب عليهم من غيرهم نتيجة لعوامل كتير (طبيعة الجسم, هرمونات الجسم, قلة او زيادة نسبة الدهون,سرعة عملية الحرق...الخ) فا لازم تكون مستعد انك تتعب لان لو الموضوع سهل, ليه مش كل الناس اللى ماشيين في الشارع أبطال وأجسامهم مقسمة وجامدة؟ يعنى مفيش حاجة من الحاجات الجميلة اللى فى الدنيا هتجيلك وانت قاعد حاطط رجل على رجل من غير ما تبذل مجهود.

اول حاجه ..




التمرين بالأثقال يعنى تمرينة الحديد اللى كلنا بنتمرنها,واللى تعتبر جزيء مهم جدا من برنامج اى حد بيحاول يقلل نسبة الدهون فى جسمه , ليه؟

- أثناء تمرينة الحديد الجسم بيحرق كمية عالية من السعرات

- بعد تمرينة حديد شديدة عملية الإيض بتفضل مرتفعة جدا لمدة ممكن تصل الى 39 ساعة , يعنى بتحفز عملية الحرق ودة معناه حرق سعرات اكتر حتى وانت مش بتبذل مجهود بعد التمرينة !!

- بتساعد على حرق الدهون بطريقة اخرى وهى لما بتكون مخازن الكارب فى الجسم فارغة بعد تمرينة شديدة (لكن دة مش معناه ان اى تمرينة تفضى مخزون الجليكوجن او الكارب) بيفضل الجسم يحرق دهون اثناء عملية الاستشفاء (Recovery phase)... دة معناه ان كل ما شدة تمرينتك تزيد دة بيساعدك جدا فى عملية حرق الدهون.

- السبب الأكثر اهمية وهو زيادة الكتلة العضلية واللى بدورها برضه بتساعد الجسم على حرق الدهون, ازاى؟!؟! أقولك, يعنى انت جسمك ممكن يحرق سعرات وانت مش بتبذل مجهود زى ما ذكرنا فى نقطة من النقاط السابقة العملية دي بنشير اليها بـعملية الـ(Resting metabolism) , وكل ما زادت الكتلة العضلية كل ما ارتفعت هذه العملية وكل ما زادت نسبة السعرات اللى بتحرقها يوميا دون بذل مجهود !!

- أثبتت الدراسات ان كل ما جسمك يزيد رطل عضل, جسمك بيحرق 35-50 سعر حرارى زيادة فى اليوم وانت فى حالة الراحة, معنى كدة انك لو زدت 10 رطل عضل جسمك يحرق حوالى 350-500 سعر حرارى زيادة فى اليوم, كنتيجة رطل دهن بيتحرق كل اسبوع او 10 ايام.

- احنا اتفقنا ان كل ما الكتلة العضلية تزيد كل ما تحرق سعرات اكتر اثناء اليوم, ودة معناه انك تقدر تاكل سعرات اكتر في اليوم من غير ما جسمك يخزنها دهون (للناس اللى وصلت لنسبة دهون منخفضة) !


"طيب ايه اللى يحصل لو مروحتش جيم ولا شيلت حديد؟ منا ممكن اظبط دايت تمام ووبرضه هخس!"


انت فعلا هتخس عالميزان لكن:

1- على الأقل نص الوزن اللى خسيته هتكون قيمته كتلة عضلية.
2- عملية الـmetabolism وحرق السعرات فى جسمك هتنخفض كرد فعل لفقد الكتلة العضلية وبالتالى صعوبة اكتر فى حرق الدهون وكنتيجة هتزيد الوزن اللى خسرته.
3- شكلك هيبقى وحش كتافك هتدخل لجوة وهتبقى مليس. عشان كده تمرينه الحديد مهمه جداااااااااااااااااااااااااا

تاني حاجه ......

تمارين الكارديو (التمارين الهوائيه )
فى نوعين من تمارين الكارديو:

• Low intensity منخفض الحدة: معدل ضربات القلب بيكون 50-65% من اقصى معدل ضربات للقلب وهو اسلوب الجرى العادى اللى كل الناس بتعمله سرعة متوسطة ثابتة لمدة تتراوح بين 30-60 دقيقة.

• High intensityعالى الحدة: او بنسميه نظام الفواصل (Intervals) وهو دة اللى يهمنا – معدل ضربات القلب بيكون 90-100% من اقصى معدل للقلب – وهو نظام بيعتمد على الجرى لفترات بتتراوح 60-90 ثانية شديدة القصوى مصحوبة بفترات من الراحة (الفواصل).
"طيب ليه النظام التانى احسن من النظام الاولانى؟"

- بيحرق سعرات أكتر, ودة معناه حرق دهون اكتر في عدد اقل من الحصص.
- بيحفز عملية الإيض لفترة أطول بـعـد حصة الجرى , يعنى جسمك بيفضل يحرق سعرات ودهون لمدة بعد حصة الجرى.
- بيساعد على نمو عضلة القلب والرئتين وبيخليهم أقوى.
- بيخلى الشخص اقل عرضة لأمراض القلب.
- غير ممل (الوقت بيعدى فيه بسرعة)
- بيحسن من لياقتك واداءك الرياضى (مثال: لعيبة التنس اللى بيجرو ورا الكرة لفترات طويلة جدا)


"طب ازاى أطبق النظام عالى الحدة؟"

نظام الفواصل دة مبنى على مبدأ بسيط جدا جدا: أجرى بسرعة, أمشى ببطيء. وكرر العملية.
تقدر تمارس نظام الفواصل فى الرياضات الهوائية زى السباحة, العجل, او الجرى).

دي امثلة فيها كذا طريقة لتطبيق نظام الفواصل:

جرى.............راحة

2 دقيقة-----30 ثانية

5 دقيقة -----60 ثانية

3 دقيقة -----45 ثانية

2 دقيقة -----60 ثانية


تالت حاجه واخر حاجه ......

التغذيه (nutrition)
"لا متقلقش عليا في الحوار دة انا هروح لدكتور يظبطلى نظام ريجيم قاسى بأذن الله"

خد تعالى بس استهدى بالله كدة واسمع هههههه
أنظمة الرجيم بتاعة معلقة فول عالفطار + استنشاق نفس بيضة مسلوقة ولقمة عيش اثبتت فشلها الذريع.



نفسى اعرف مين قال انك لما تجوع نفسك هتحرق دهون ؟؟؟؟؟؟؟؟؟؟؟

ابشع حاجة ممكن تعملها في جسمك هى انك تجوعه عن طريق منع الأكل وتقليل الوجبات وطبعا سيادتك فاكر انك بتخس وتمام في حين انك بتطبق طريقة بتشتغل ضد ميكانيكة ونظام الجسم مش بتساعده زي منتا متخيل.

الجسم البشرى مكون من عدد كبير من الانظمة المعقدة اللى هدفها انها تخليك عايش بصحة كويسة وتساعدك على البقاء فى اصعب الظروف, بالتالى لما بتجوع نفسك علشان تخس الانظمة دي بتاخد ردود افعال دفاعية من ضمنها دخول الجسم فى وضع التضور (Starvation) للبقاء على قيد الحياة لان الجسم ميفهمش ان فى تلاجة على بعد 10 متر عنك فيها كل ما لذ وطاب فنتيجة لقلة الغذاء بياخد ردود فعل دفاعية للتأقلم على المناخ اللى سيادتك حطيته فيه والنتيجة:

- بطيء شديد في عملية الأيض وحرق الدهون لان الدهون تعتبر من مصادر طاقة الجسم وبما ان الجسم بيأقلم نفسه على البقاء فى مناخ العصر الحجرى اللي حطيته فيه حضرتك فا بيقلل من سرعة عملية حرق الدهون للبقاء علي قيد الحياة فترات اطول.

- خسارة فى الكتلة العضلية , جسمك هيحرق الانسجة العضلية للطاقة.

- الجسم بيزيد من افراز هرمون تخزين الدهون (LPL) يعنى دلوقتي سيادتك لما ترجع لنظامك الطبيعى للأكل وتاكل نفس كمية السعرات اللى كانت زمان كافية للحفاظ علي وزنك دلوقتى نفس السعرات دي تزودك, و بترغم جسمك انه يخزن دهون نتيجة للتغيير فى مستوى عملية الايض اللي حصل.


"ايه دة يعنى هخس عضل وكمان هخزن دهون؟!"

بالظبط!

طب ايه العمل دلوقتى انا عايز نظام غذائى كويس يساعدنى في حرق الدهون ,اعمل ايه؟!"


بسيطة, بطل تحاول تخلى الجسم يخس بالعافية بالطرق اللى ضد طبيعة جسمك واستخدم الطرق اللى بتمشى مع نظام الجسم وبتساعده على تحفيز الايض وفقد الدهون على مدار الوقت مع الاستمرارية.
"اللى هى؟!"

فى طريقتين:

1- قلل سعراتك اليومية بنسبة بسيطة أوى (15-20% سعرات اقل من سعرات الحفاظ على الوزن) , لأنك علشان تحرق دهون لازم مجهودك يفوق استهلاكك للسعرات فا لما بتعمل كدة بتحفز جسمك يخش على مخزون الدهون للحرق (نتيجة للعجز البسيط اللى عملناه فى سعراتنا اليومية) خليك فاكر العجز لازم يكون بسيط, أنظمة الدكاترة فاشلة لان العجز بيكون فيها كبير جدا وكنتيجة الجسم بيتخذ ردود افعال دفاعية للبقاء زي ما وضحنا سابقاً.


2- استهلك 6 وجبات في اليوم: بدل 3 وجبات كبيرة في اليوم, عود نفسك على نظام 5-7 وجبات يوميا بينهم ساعتين او تلاتة , النظام دة بيعلى عملية الايض او الـmetabolism في الجسم على مدار اليوم وبيساعد علي حرق السعرات لانه بالطريقة دي عمر جسمك ما هيخش في مرحلة التضور اللي اشرنا اليها سابقا و كنتيجة بتلغى اي حافز لتخزين الدهون بالجسم دة غير الفوائد الاخرى زي زيادة مستويات الطاقة علي مدار اليوم الحفاظ علي المكتسب العضلى وتنظيم الجهاز الهضمى.

طبعا النظام مش سهل وبيحتاج مجهود كبير من تحضير الوجبات لاستهلاكها للتأقلم مع النظام ..الخ لكن هو كدة اللى عايز حاجة بشدة لازم يتعب علشانها و لو اتعودت عليه حتلاقيه سهل

اسف للاطاله ..لكن انا حبيت اعملكوا موضوع متكامل ...وللعلم الموضوع ده انا كاتبه قبل كدا في منتدي اخر .. ودي صورتي بعد معاناه طويله استمرت حوالي سنه ونص

الموضوع ده انا تعبت فيه جامد ياريت اشوف ردودكوا
الرجوع الى أعلى الصفحة اذهب الى الأسفل
bodida

عمـــيد
عمـــيد



الـبلد :
العمر : 21
المهنة : طالب
المزاج : متضامن مع سوريا
التسجيل : 17/03/2012
عدد المساهمات : 1992
معدل النشاط : 1836
التقييم : 29
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الأربعاء 18 يوليو 2012 - 21:44

علي فكرة الوزن هيزيد بس عضلات مش دهن
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الأربعاء 18 يوليو 2012 - 21:51

@bodida كتب:
علي فكرة الوزن هيزيد بس عضلات مش دهن

لا مش هيزيد ..هيبقي مناسب لطولك ..مثلا طولك 180 وزنك هيبقي 80 او اقل 1 كيلو او 2 ..

انا طولي 189 ووزني 88
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الأربعاء 18 يوليو 2012 - 21:53

يا جماعه عايز اشوف تفاعل اكتر مع الموضوع ...هتندموني اني تعبت فيه ونزلته
الرجوع الى أعلى الصفحة اذهب الى الأسفل
maiser

لـــواء
لـــواء



الـبلد :
التسجيل : 23/01/2010
عدد المساهمات : 2756
معدل النشاط : 2797
التقييم : 132
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الأربعاء 18 يوليو 2012 - 23:27

مجهود جميل...
خلاصة القول...اهم حاجة فعلا هى ان تكون نسبة الدهون قليلة عشان تظهر العضلة...لان ممكن يبقى عندك عضلة بطن جامدة بس مش ظاهرة نتيجة الدهون...
والدهون دى تقل بحاجتين ...الاكل المضبوط والرياضة (خصوصا الجرى ) .
تانى حاجة لازم طبعا تلعب بطن بصورة مستمرة ............بس .
سؤال صغير : هى فين صورتك ؟
الرجوع الى أعلى الصفحة اذهب الى الأسفل
المقاتل المصرى 55

عقـــيد
عقـــيد



الـبلد :
التسجيل : 20/03/2012
عدد المساهمات : 1286
معدل النشاط : 1300
التقييم : 48
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الأربعاء 18 يوليو 2012 - 23:37

مشكور وكلامك صح لكن انا المشكلة اللى عندى ان مش بجرى
الرجوع الى أعلى الصفحة اذهب الى الأسفل
محمد رجب

لـــواء
لـــواء



الـبلد :
المهنة : مصمم المنتدى
التسجيل : 03/07/2012
عدد المساهمات : 3629
معدل النشاط : 3500
التقييم : 274
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الأربعاء 18 يوليو 2012 - 23:50

بسم الله مشاء الله جسمك كويس

وموضوع رائع
الرجوع الى أعلى الصفحة اذهب الى الأسفل
Why Not

عقـــيد
عقـــيد



الـبلد :
العمر : 22
التسجيل : 31/08/2011
عدد المساهمات : 1486
معدل النشاط : 1130
التقييم : 93
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 0:16

موضوع جميل جدا ومفيد

وفي برنامج تدريب جميل اسمه

INSANITY

اظنه سيكون مفيدا في حرق الدهون ايضا

وليك تقييم في قسم عسكري

والله الموفق
...
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 0:17

@maiser كتب:
مجهود جميل...
خلاصة القول...اهم حاجة فعلا هى ان تكون نسبة الدهون قليلة عشان تظهر العضلة...لان ممكن يبقى عندك عضلة بطن جامدة بس مش ظاهرة نتيجة الدهون...
والدهون دى تقل بحاجتين ...الاكل المضبوط والرياضة (خصوصا الجرى ) .
تانى حاجة لازم طبعا تلعب بطن بصورة مستمرة ............بس .
سؤال صغير : هى فين صورتك ؟

مظبوط كلامك ..معظم الناس عندهم عضله بطن جامده لكنها مش ظاهره نتيجه لكثره الدهون علي منطقه البطن ....وفعلا اهم شيء في الموضوع كله ..
تمارين(الكارديو) الجري والعجله والسباحه وبعض تمارين الاطاله ..

وصورتي في اخر الموضوع خالص ومشكور لمرورك 3
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 0:18

M.ragabegypt كتب:
بسم الله مشاء الله جسمك كويس

وموضوع رائع

الله يخليك و مشكور لمرورك 3
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 0:22

@Why Not كتب:
موضوع جميل جدا ومفيد

وفي برنامج تدريب جميل اسمه

INSANITY

اظنه سيكون مفيدا في حرق الدهون ايضا

وليك تقييم في قسم عسكري

والله الموفق
...

مظبوط هو برنامج رائع لكنه للاسف بفلوس ..ومشكور علي مرورك وعلي التقييم 3
الرجوع الى أعلى الصفحة اذهب الى الأسفل
jeneral

عريـــف أول
عريـــف أول



الـبلد :
العمر : 24
المهنة : mo7trf
التسجيل : 10/01/2012
عدد المساهمات : 156
معدل النشاط : 125
التقييم : 6
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 1:32

بقولك يا كبير ضروري ونبي

انا عمرى 19 وزنى :83 الطول : 172

عايز افقد الدهون المتركمة عندى فى البطن وابتدى اعمل جسم موديلز وتم ترشيح نظامين

الأول : واى بروتين مع أنيمال كتس

الثانى : أمينو 2222 مع ليبو 6 مع فيتامين سنترم0

اللى رشحلى الأمينو قالى خد أمينو عشان انت عندك دهون ومش هينفع معاك الواى صح الكلام ده ؟

وهل اصلا ينفع استخدم منتج لحرق الدهون (ليبو او انيمال كت ) مع منتج لبناء العضلات ( واى بروتين او امينو )

ياريت الرد بسرعه
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 1:37

انا هجوبك عن اللى اعرفة

اولا الليبو6

اول مرة هتجربة ممكن تحس بسرعة ضربات القلب فى التمرين و زيادة فى العرق و ممكن صداع
بس بتختلف الاعراض من شخص لاخر
المنتج جميل ممكن يجيب معاك من 2-3 كيلو فى اول اسبوع
بس مش زى مأنت فاكر لازم تكون بتتمرن جامد
انا جربتة مع لعب Hiit و من غير لعب Hiit يعنى الجيم بس
مع لعب Hiit بيعمل شغل جامدو ممكن تنزل وزن كويس
لو جيم بس مش قوى يعنى ممكن 1-2 كيلو فى الاسبوع و ممكن لا

الكرياتين
لو انت هتحرق بلاش عشان بيزود فى الوزن لو انت مش بتلعب Hiit او النظام الغذائى عندك مش مظبوط
و حكاية بيديك طاقة فى الجيم مش هتحس بيها قوى يعنى هتلاحظ زيادة فى الاوزان او فى العدات بسيطة
هو بيعمل Recovery للغضلة حلو جدا يعنى ممكن تاخد فترو راحة 20-30 ثانية بين كل تمارين
ومش هتحس بتعب فى العضلة
و اشربة قبل التمرين بحوالى ساعة مع اى عصير فيه كربوهيدرات عشان بيزيد تاثيرة بنسية 30-35%

Whey
الواى بروتين جميل جدا ممكن بيساعد فى بناء العضلة
و كل عضلة بتتبنى بتساعد فى حرق نسبة فات اكثر
بس المشكلة ان النظام الغذائى بتاعك لو مش مظبوط
يعنى لو مش عامل نظام كويس
هتلاقى النتيجة زيادة فى الوزن مع زيادة فى الحجم

يعنى الملخص اللى بيعمل Cut و هيستحدم Creatine و whey
لازم يكون ماشى على نظام غذائى مظبوط عشان تعرف تحرق كويس
و يكون لعبك فى الجيم High Heart rate
عشان تعرف تحرق كويس و تلعب جرى او Hiit
الرجوع الى أعلى الصفحة اذهب الى الأسفل
Diaboo

لـــواء
لـــواء



الـبلد :
العمر : 20
المهنة : طالب
المزاج : عنب
التسجيل : 06/12/2011
عدد المساهمات : 2809
معدل النشاط : 3072
التقييم : 113
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 3:10

شكرا لك على المجهود الرائع و لك تقييم +++
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 3:13

العفو ...ومشكور علي مرورك ومشكور علي التقييم ..الي موصلش لسه ...هههه 3
الرجوع الى أعلى الصفحة اذهب الى الأسفل
skalans

عريـــف أول
عريـــف أول



الـبلد :
التسجيل : 16/01/2012
عدد المساهمات : 116
معدل النشاط : 41
التقييم : 1
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 3:49

علي فكره ..من كتابتك للموضوع فهمت انك برنس لان انا برضو ليا في الرياضه والجيم والحاجات دي
وحسب منا شايف انك خبير لياقه بدنيه ...انا كنت مشترك في منتدي خاص باللياقه البدنيه والجيم وكده ومحدش فيهم عرف يكتب موضوع زي الي انت كاتبه ...مشكووووور يا كبير علي المجهود الرائع
(((((((وعلي الجسم الاكتر من رائع ))))))))) ما شاء الله عليك
الرجوع الى أعلى الصفحة اذهب الى الأسفل
mahmoud egyptology

مـــلازم
مـــلازم



الـبلد :
العمر : 25
المهنة : هندسة
المزاج : متفائل
التسجيل : 05/09/2011
عدد المساهمات : 654
معدل النشاط : 633
التقييم : 3
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 4:58

بصراحة اكتر من راعة ... انا كنت بحاول اعمل ده من فطرة وموضوعك فادنى ..بس انا مش بجرى كتير يدوب شارع طويل يجى طوله كيلو او كيلو ونص رايح جاى ... وبس ف نفس الوقت قللت اكلى بدل تلت مرات مرتين ومشى على النظام ده 19 يوم ومفيش حاجة وبعمل تمرين بطن مع تمارين ضغط ...هل كدا معنا ان ده مش كفايا ولازم اروح جيم لان الرياضة الى بعمبلها يدوب 30 دقيقية وكمان بعد ما اظبط اكلى زى مانتا قلت الوقت المفروض اعمل فيه الرياضة كد ايه يوميا
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 6:41

@mahmoud egyptology كتب:
بصراحة اكتر من راعة ... انا كنت بحاول اعمل ده من فطرة وموضوعك فادنى ..بس انا مش بجرى كتير يدوب شارع طويل يجى طوله كيلو او كيلو ونص رايح جاى ... وبس ف نفس الوقت قللت اكلى بدل تلت مرات مرتين ومشى على النظام ده 19 يوم ومفيش حاجة وبعمل تمرين بطن مع تمارين ضغط ...هل كدا معنا ان ده مش كفايا ولازم اروح جيم لان الرياضة الى بعمبلها يدوب 30 دقيقية وكمان بعد ما اظبط اكلى زى مانتا قلت الوقت المفروض اعمل فيه الرياضة كد ايه يوميا

اولا شكرا علي مرورك ..
ثانيا ..عشان تحرق الدهون وتقسم جسمك ...في 3 حاجات اساسيه قلتهم في الموضوع
_تمرينه الحديد
_تمارين الكارديو .(التمارين الهوائيه )
_التغذيه السليمه

اهم حاجه في التلاته والي بتخلي جسمك عباره عن ماكينه حرق دهو هي تمارين الكارديو ..وهي الجري والعجله والسباحه ونط الحبل وجزء من تمارين الاطاله ..

وتمارين الكارديو دي لازم كل يوم لمده لا تقل عن ساعه ونص وكل فتره زودها ..ولازم تنوع في تمارينك بردو عشان جسمك مياخدش علي تمرين معين فتكون عمليه الايض( حرق الدهون) بطيئه ..
يعني 4 ايام جري ..4 اخري عجله ونط حبل .و 4 سباحه وسويدي ..الخ وحاول برضو تمشي علي نظام الفواصل الي انا كاتبه في الموضوع هينفعك اوي

نيجي بقي لتاني اهم حاجه بعد الكارديو وهو التغذيه السليمه ....انت قلت انا قللت الوجبات ..لا مش صح ..المفروض يبقي ليك 5 وجبات في اليوم كل 3 ساعات وجبه مكونه من بروتين سمك او بيض او صدر فرخه مشويه .او علبه تونه .لان البروتين هو الي بيكون العضل طبعا واي خضار او فاكهه لان الالياف الي فلخضار بتساعد في حرق الدهون ..واشرب مياه كتير مش اقل من 8 اكواب كبيره يوميا
...في حاجات بقي جنب الاكل لو قدرت تعملها ..هتختصرلك وقت وجهد وهتحرق دهون بشكل اسرع بكتير ..ووهي شوربه الشوفان اوشوربه الكرنب مع الكرفس ..لو عرفت تشربها كل يوم ..هتنزل حوالي 6 كيلو في الاسبوع وانا مجرب

واخر حاجه تمرينه الحديد ..كل يوم عضله في جسمك ..مره بنش ..مره كتف+دراع مره ظهر وكرر علي مدار الاسبوع والحديد طبعا بيعمل عمليه ايض يعني حرق دهون بعد التمرين لمده تصل الي 40 ساعه في الدهون الي حوالين العضله الي اشتغلت عليها وطبعا بيزود ويكبر الكتله العضليه ...
وليك يومين في الاسبوع تعمل فيهم تمارين بطن فقط علوي وسفلي وجوانب

لوحبيت تستخدم امينو ..استخدم فات برنر libo 6 ده انا منصحكش بيه لو سنك صغير ..وكمان لو هتمشي علي البرنامج ده لمده شهر واحد انا اضمنلك ان نسبه الدهون في جسمك مش هتتعدي 5 % ووزنك حوالي 25 كيلو اما بقي لو زودت كمان شهر عضل بطنك هيبتدي يبرز وهيبقي شكل جسمك حلو اوي وهتدعيلي ..استمر بقي كمان شهر وهتبقي مليكان رسمي ..وانا عارف بقولك ايه وربنا يوفقك انشاء الله 3






الرجوع الى أعلى الصفحة اذهب الى الأسفل
Why Not

عقـــيد
عقـــيد



الـبلد :
العمر : 22
التسجيل : 31/08/2011
عدد المساهمات : 1486
معدل النشاط : 1130
التقييم : 93
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 18:57

للي عاوز يحمل
Beachbody Insanity


https://torrentz.eu/249b726ba7d47897db5dd3ef8a0fcf6e721e6157

التمرينات معاها جدول لمدة شهرين وكتاب الكتروني للتغذيه بس انجليزي

والله الموفق

...
الرجوع الى أعلى الصفحة اذهب الى الأسفل
egy.police

مـــلازم أول
مـــلازم أول



الـبلد :
المهنة : anti terrorsim
المزاج : متفائل
التسجيل : 10/07/2012
عدد المساهمات : 772
معدل النشاط : 604
التقييم : 18
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   الخميس 19 يوليو 2012 - 23:25

شكر علي اللينك ..بس اللينكات الفري بتاعه البرنامج ده مبتبقاش شغاله الشركه بتعطلهم عشان هو بفلوس ..39 $ دولار في الاسطوانه الواحده
الرجوع الى أعلى الصفحة اذهب الى الأسفل
jeneral

عريـــف أول
عريـــف أول



الـبلد :
العمر : 24
المهنة : mo7trf
التسجيل : 10/01/2012
عدد المساهمات : 156
معدل النشاط : 125
التقييم : 6
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   السبت 21 يوليو 2012 - 4:30

شكرا للافاده ...كلامك بيدل علي انك فاهم
الرجوع الى أعلى الصفحة اذهب الى الأسفل
bodida

عمـــيد
عمـــيد



الـبلد :
العمر : 21
المهنة : طالب
المزاج : متضامن مع سوريا
التسجيل : 17/03/2012
عدد المساهمات : 1992
معدل النشاط : 1836
التقييم : 29
الدبـــابة :
الطـــائرة :
المروحية :




مُساهمةموضوع: رد: ازاي تقسم بطنك وتحقق حلم ال (six abs)   السبت 21 يوليو 2012 - 12:21

شوية نصائح محدش يستخدم amino acids هيعملك جسم بس هيخرب القلب و عضلات منظر اتمرن حاجة تعمل عضلات kickboxing mma taekwando karate. kung fu كدة و انا مجرب
الرجوع الى أعلى الصفحة اذهب الى الأسفل
 

ازاي تقسم بطنك وتحقق حلم ال (six abs)

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الجيش العربي Arab Army Forum :: الأقســـام غير العسكريـــة :: تواصل الأعضاء-
التعليقات المنشورة لا تعبر عن رأي ادارة الموقع ولا نتحمل أي مسؤولية قانونية حيال ذلك ويتحمل كاتبها مسؤولية النشر

Powered by Arab Army. Copyright © 2015

شركاؤنا: روسيا ما وراء العناوين